Prishtina ka shënuar fitore me mjaft vështirësi tek Dukagjini në ndeshjen hapëse të elitës së futbollit kosovar me rezultat 3-2.

Edhe pse bardhekaltrit e nisën jashtëzakonisht mirë ndeshjen duke shkuar në epërsi prej dy golash në pushimin mes pjesëve, vendasit nuk u dorëzuan dhe zhvilluan një ndeshje të jashtëzakonshme, shkruan Arbresh.info.

Pas dhjetë minutave lojë, Prishtina shënoi me Ilievskin pas asistimit të Veliut.

Kurse Blend Baftiu në minutën e 26-të e realizoi golin e dytë. Me këtë rezultat u mbyll edhe pjesa e parë.

Me të nisur pjesa e dytë vendasit shënuan dhe rihapën ndeshjen me golin e Meris Maliqit.

Dukagjini nuk ndali sulmet dhe barazoi në minutën e 67-të me golin e Egzon Sinanit.

Por, Prishtina u këndell dhe tetë minuta para fundit, Valmir Veliu shënoi golin e fitores për 3-2.

Deri në fund nuk pati gola tjerë dhe kryeqytetasit e nisin me fitore edicionin e ri. Xhiron e dytë, Prishtina takohet me Llapin në shtëpi, derisa Dukagjini luan me Gjilanin./Arbresh.info